ᓯᕗᕐᖐᓯᒪᓂᖅ ᑐᑭᖃᕐᐳᖅ ᐊᑦᔨᒌᑦᔭᖏᑦᑐᓂᒃ ᐃᓄᓐᓄᑦ ᐊᑦᔨᒌᖕᖏᑐᓄᑦ, ᑭᓯᐊᓂ ᓄᓇᓕᑐᙯᒃᑯᓂ, ᑮᓇᐅᔭᓂᒃ ᑐᑦᓯᕋᐅᑎᓂᒃ ᕿᒥᕐᕈᓕᑐᐊᕋᑦᑕ, ᓯᕗᕐᖐᓯᒪᓂᖅ ᐅᕙᑦᑎᓄᑦ ᑐᑭᓕᒃ ᓱᓇᑐᐃᓐᓇᓯᐊᒥᒃ ᐃᑲᔪᕐᓯᓚᐅᕐᐸᑦ ᒥᑭᓪᓕᑎᕆᒐᓱᐊᕐᓂᒥᒃ ᐊᑐᕐᑕᐅᓂᖓᓂᒃ, ᐊᑦᑕᓇᕐᓂᖓᓂᒃ ᐊᒻᒪᓗ ᐅᕝᕙᓗᓐᓃᑦ ᓱᕐᕃᒍᓐᓇᓂᖓᓂᒃ ᐋᖓᔮᒐᓱᐊᕈᑕᐅᒍᓐᓇᑐᓂᒃ ᐊᑐᕐᓂᐅᑉ ᓄᓇᕕᒻᒥ.

ᑮᓇᐅᔦᑦ ᐅᓄᕐᓂᓴᐅᓚᐅᕐᓯᒪᑦᔭᖏᑦᑐᑦ ᑐᑦᓯᕋᐅᑎᓕᐊᒍᔪᓂᑦ, ᑌᒣᒻᒪᑦ ᕿᓂᓲᒍᕗᒍᑦ ᐱᓇᓱᐊᕐᑕᐅᓚᖓᔪᓂᒃ ᐊᒥᓲᒍᓐᓇᕕᓕᒫᖏᓐᓄᑦ ᐃᓄᓐᓂᒃ ᐊᑦᑕᓇᕐᑐᒦᑦᑐᓂᒃ ᐊᑦᑐᐃᓚᖓᔪᓂᒃ ᐅᕙᓗᓐᓃᑦ ᐋᖓᔮᒐᓱᐊᕈᑕᐅᒍᓐᓇᑐᓂᒃ ᐱᓀᓗᑦᓯᕙᓪᓕᐊᓕᕐᑐᓂᒃ ᐱᓀᓗᑕᓕᓐᓂᓗ ᐊᑐᕐᓂᓗᓐᓂᒥᒃ. ᐃᓄᒋᐊᓐᓂᕗᑦ ᐅᕕᒐᕐᑐᑕᖃᕐᐳᖅ ᐊᒥᓱᓂᒃ ᐱᕈᕐᐸᓕᐊᑐᐃᓐᓇᓱᓂᓗ ᓱᑲᑦᑐᒥᒃ.

ᖃᓄᐃᑦᑐᓂᒃ ᐱᓇᓱᐊᕐᑕᐅᒍᒪᔪᓂᒃ ᓄᓇᓕᑐᙯᑦ ᐃᑲᔪᕐᑐᓲᒍᕙ?
• ᐃᓄᒻᒪᕆᓐᓄᑦ ᐅᕕᒐᕐᑐᐃᑦ ᐃᓚᐅᑎᓪᓗᒋᑦ ᐃᓚᐅᕕᐅᑦᓯᐊᕈᓐᓇᑐᓂᒃ ᐆᑐᕋᐅᑎᒋᓗᒋᑦ ᓄᓇᓕᒻᒥ ᑲᑎᖕᖑᐊᓂᖅ, ‘ᑖᓂᓯᕐᑏᑦ‘, ᓄᓇᒥ ᐊᓯᓃᓐᓂᖅ, ᐱᖕᖑᐊᓃᑦ ᐱᓕᐅᑦᔨᕋᐅᑎᓂᕐᒥ, ᐊᓯᖏᓪᓗ
• ᐱᖕᖑᐊᓃᑦ ᓱᖃᑦᓯᓃᓪᓗ ᐅᕕᒐᕐᑐᓄᑦ
• ᓴᖑᒪᒍᑎᑦᓭᑦ ᓱᖃᑦᓯᓃᑦ ᐅᕕᒐᕐᑐᓄᑦ ᓴᖑᒪᑎᒐᓱᐊᕐᓱᒋᑦ ᐃᒥᐊᓗᒐᓱᐊᕐᓂᒥᑦ ᐅ
• ᐃᑲᔪᕐᓯᓚᖓᑐᐊᕐᒪᑕ ᐅᐃᕆᒪᓂᖅ ᓯᕗᕐᖐᓯᒪᒐᓱᐊᕐᓂᓗ ᐱᓇᓱᐊᕐᑕᐅᑎᓪᓗᒋᒃ.

ᐅᑯᐊᑕᒐ ᐆᑦᑐᕋᐅᑕᐅᒍᓐᓇᑐᑦ ᐱᓇᓱᐊᕐᑕᐅᑎᑕᐅᓯᒪᔪᑦ ᑮᓇᐅᔭᖃᕐᑎᑕᐅᖃᑦᑕᓯᒪᔪᑦ:

2021
ᑲᖏᕐᓱᒃ, ᐊᓈᓇᐅᔪᑦ ᐋᖓᔮᑦᓱᑎᒃ ᐊᖁᑦᑐᓂᒃ ᐊᑭᕋᕐᑐᓂᕐᒧᑦ ᐱᓱᓐᓂᖓ — ᐳᓖᓯᓂᒃ ᐱᓇᓱᐊᖃᑎᖃᕐᓱᑎᒃ ᑐᑫᓛᒐᕐᑖᑫᒐᓱᐊᕐᑐᕕᓃᑦ 63 ᒍᒍᓇᕐᓂᒃ ᑐᑫᓛᒐᕐᑖᑎᑦᓯᓱᑎᒃ ᓯᓚᒥᓪᓗ ᓂᕆᖕᖑᐊᓱᑎᒃ ᑐᓴᕋᑦᓴᖃᕐᓱᑎᒃ ᐊᓈᓇᐅᔪᑦ ᑎᒥᖁᑎᖓᑕ ᐋᖓᔮᑦᓱᑎᒃ ᐊᖁᓐᓂᐅᑉ ᒥᑦᓵᓄᑦ.

ᐃᓄᒃᔪᐊᖅ, NHS ᕿᒥᕐᕈᐊᒉᑦ ᐃᒻᒥᓂᐊᕐᓂᒥᒃ ᓯᕗᕐᖐᓯᒪᒐᓱᐊᕐᓂᒧᑦ — ᐱᓇᓱᐊᖃᑎᖃᕐᓱᑎᒃ ᐊᓪᓚᖑᐊᕐᑎᒥᒃ ᒪᕐᕉᓂᓪᓗ ᐅᕕᒐᕐᑑᓂᒃ ᐃᕗᔨᔨᒻᒥᐅᓂᒃ, ᕿᒥᕐᕈᐊᒐᓕᐊᕐᑐᑦ ᐊᑦᔨᒌᖕᖏᑐᓄᑦ ᐃᓅᓯᕐᒥ ᐱᑦᔪᑎᐅᔪᓄᑦ (ᐃᒻᒥᓂᐊᕐᓂᒥᒃ ᓯᕗᕐᖐᓯᒪᓂᖅ , ᐃᒥᐊᓗᒃ ᐋᖓᔮᓐᓇᑐᐃᓪᓗ ᐊᑐᕐᓂᓗᑦᑕᐅᓂᖏᑦ, ᖃᕆᑕᐅᔭᒃᑯᑦ ᑐᓴᐅᒪᐅᑎᓂᖅ, ᐃᓅᖃᑎᖃᕐᓂᖅ, ᐊᓯᖏᓪᓗ)

ᐃᓄᒃᔪᐊᖅ, ᐃᒥᐊᓗᒻᒥᒃ ᓄᕐᕐᑲᖓᓂᖅ #2 — 55 ᐃᓚᐅᔪᕕᓃᑦ ᐃᒥᐊᓗᑦᑌᓕᓂᕐᒥ ᓱᓇᓱᐊᓚᑳᑦᑎᑕᐅᖃᑦᑕᓱᑎᒃ ᓴᖒᒪᑎᒐᓱᐊᕐᓱᒋᑦ

ᑲᖏᕐᓱᐊᓗᒃᔪᐊᖅ, ᐃᓄᒻᒪᕇᑦ ᐅᕕᒐᕐᑐᐃᓗ ᐊᖁᐃᒪᒋᐊᕐᓂᖓ — ᐃᓄᒻᒪᕇᑦ ᐅᕕᒐᕐᑐᐃᓗ ᐊᖁᐃᒪᒋᐊᕐᑐᕕᓃᑦ ᐃᓱᒪᒃᑯᑦ ᖃᓄᐃᖕᖏᓯᐊᕆᐊᖃᕐᓂᒥᒃ ᐃᑲᔪᕐᓯᒋᐊᕈᑎᒋᑦᓱᒍ.

ᑰᒃᔪᐊᖅ, ᕿᑐᕐᖓᒥᓂᒃ ᐊᓈᓇᐅᑦᓱᑎᒃ ᐃᓄᑑᑦᔨᔪᑦ ᐅᕕᓗᕐᑕᕆᐊᕐᑐᑦ ᓇᑦᓯᓯᐅᕆᐊᕐᑐᓗ ᐊᖑᑏᑦ 50 ᐅᖓᑖᓄᑦ ᐅᑭᐅᓖᑦ — ᐊᓈᓇᐅᑦᓱᑎᒃ ᕿᑐᕐᖓᒥᓂᒃ ᐃᓄᑑᑦᔨᔪᑦ ᐅᕕᓗᕐᑕᕆᐊᕐᑐᑦ ᐊᖑᑏᓪᓗ 50 ᐅᖓᑕᓄᑦ ᐅᑭᐅᓖᑦ ᒪᙯᓗᑭᒍᓐᓀᑐᑦ ᓇᑦᓯᓯᐅᕆᐊᕐᑎᑕᐅᔪᑦ.

ᖃᖏᕐᓱᔪᐊᖅ, ᐃᓱᒪᐅᑉ ᐃᓗᓯᕐᓱᓂᖓᓄᑦ ᑲᖐᑦᓴᑎᑕᐅᓂᖅ — ᓄᓇᓕᒃ ᑲᖐᑦᓴᑎᑕᐅᔪᖅ ᐃᓱᒪᐅᑉ ᐃᓗᓯᕐᓱᓂᖓᑕ ᒥᑦᓵᓄᑦ ᐊᑦᔨᒌᑦᔭᖏᑦᑐᓂᒃ ᓱᒐᓚᑦᑎᓯᑦᓱᑎᒃ.

2022

ᑲᖏᕐᓱᒃ, ᐸᓃᑦ ᑲᑎᑦᑕᓂᐊ (8-14 ᐅᑭᐅᓖᑦ) —
ᐱᓇᓱᐊᕈᓯᑕᒫᑦ ᐃᓕᑦᓯᕙᓪᓕᐊᓇᕐᑐᓂᒃ ᓱᒐᓚᑦᑎᑕᐅᔪᑦ ᐸᓃᑦ

ᖁᐊᕐᑕᒃ, ᓱᕈᓰᑦ ᒪᙯᑦᑎᑕᐅᓂᖓ —
ᐊᒥᓲᑦᔭᖏᑦᑐᑦ ᓱᕈᓰᑦ ᒪᙯᑦᑐᕕᓃᑦ: ᒪᕐᕉᒃ ᓇᓐᓄᕆᐅᕐᑐᕕᓃᒃ. ᐊᑕᐅᓯᕐᓗ ᑕᑯᓐᓇᓱᓂ ᐊᖑᑎᓂᒃ ᓇ ᑦᓯᓯᐅᕐᑐᓂᒃ ᓯᕗᓪᓕᐹᑦᓯᐊᒥ

ᓴᓪᓗᐃᑦ, ᓄᓗᑦᔨᐅᑐᑦ — ᓯᑕᒪᑦ ᓄᓗᐊᑦ ᐱᔭᕇᕐᑕᕕᓃᑦ, ᐃᓚᐅᑎᓪᓗᒍ 50-ᓂ ᐃᑎᒐᓂᒃ ᑕᑭᓂᓕᒃ 10-15-ᓂᒃ ᐊᑦᓴᑐᓂᖃᕐᓱᓂ

ᐊᑯᓕᕕᒃ, ᐃᓚᒌᑦ ᒪᙯᑦᑐᑦ/ᐃᖃᓪᓕᐊᑐᑦ — ᐱᖓᓱᕕᑦᓱᑎᒃ ᒪᙯᑦᑐᑦ ᑕᓯᕐᒧᑦ ᐃᖃᓘᔭᕆᐊᕐᓱᑎᒃ, ᐊᕿᒡᒋᓯᐅᕐᓱᑎᒃ ᓂᕐᓕᓯᐅᕐᓱᑎᓪᓗ.

ᐊᑯᓕᕕᒃ, ᒥᑦᓱᕆᐅᕐᓴᑐᑦ — ᐸᓃᑦ ᒥᕐᓱᕆᐅᕐᓴᑎᑕᐅᔪᑦ ᐅᑭᐅᕐᓯᐅᑎᑦᓴᓂᒃ ᐊᕐᓄᕌᓂᒃ

ᐃᓄᒃᔪᐊᖅ, ᐃᓗᕐᕈᓯᕐᒧᑦ ᐱᓇᓱᐊᕈᓯᕐᓯᐅᑐᑦ ᐅᖂᑕᖅ ᐃᓕᓐᓂᐊᕕᒻᒥ — ᐃᓄᒻᒪᕇᑦ ᐊᒥᓱᒐᓚᑦ ᐱᓇᓱᐊᕐᑎᑕᐅᔪᑦ ᓄᓇᓕᒻᒥᓗ ᐱᓯᒪᔪᑦ ᐊᑦᔨᒌᑦᔭᖏᑦᑐᓂᒃ ᐱᓇᓱᐊᕐᑎᑕᐅᑦᓱᑎᒃ ᐃᓕᓵᑦ ᐱᓇᓱᑦᑏᓗ ᐃᓚᒋᑦᓱᒋᑦ ᓂᕆᒻᒫᖃᑎᒌᓚᖓᑦᓱᑎᒃ ᑭᖑᓂᐊᓂ

ᓇᕐᓂᓗᒍ ᖃᕆᑕᐅᔭᕐᓅᕖᕐᓂᐊᒪᑦ PD:

— Cover Letter for Funding Application (ᖃᓪᓗᓈᑎᑐᑦ ᐃᓄᒃᑎᑐᓪᓗ)
—ᑮᓇᐅᔭᓂᒃ ᑐᑦᓯᕋᐅᑎᒃ ᓄᓇᓕᒻᒥ ᓱᑎᑦᓯᓂᕐᒧᑦ ᑮᓇᐅᔭᖁᑎᖏᓐᓂᑦ (ᖃᓪᓗᓈᑎᑐᑦ ᐃᓄᒃᑎᑐᓪᓗ)
— ᓱᑎᑦᓯᓂᕕᓂᕐᒥᒃ ᑐᓴᕐᑎᓯᒍᑎᒃ(ᖃᓪᓗᓈᑎᑐᑦ ᐃᓄᒃᑎᑐᓪᓗ)

ᖃᕆᑕᐅᔭᒃᑯᑦ ᑕᑕᕐᓴᕋᑦᓴᖅ:

— ᑮᓇᐅᔭᓂᒃ ᑐᑦᓯᕋᐅᑎᒃ ᓄᓇᓕᒻᒥ ᓱᑎᑦᓯᓂᕐᒧᑦ ᑮᓇᐅᔭᖁᑎᖏᓐᓂᑦ(ᖃᓪᓗᓈᑎᑐᑦ ᐃᓄᒃᑎᑐᓪᓗ)

—ᓱᑎᑦᓯᓂᕕᓂᕐᒥᒃ ᑐᓴᕐᑎᓯᒍᑎᒃ(ᖃᓪᓗᓈᑎᑐᑦ ᐃᓄᒃᑎᑐᓪᓗ)

— ᑕᑕᕐᓴᕋᑦᓴᖅ ᑲᑎᒪᓂᒻᒪᕆᓕᐊᕐᑐᓄᑦ(ᖃᓪᓗᓈᑎᑐᑦ ᐃᓄᒃᑎᑐᓪᓗ)