ᓄᓇᓕᑐᙯᑦ ᐃᑲᔪᖃᑎᒌᑦᑐᑦ ᐃᓄᐃᑦ ᑲᑐᑦᔨᖃᑎᒌᓐᓂᖓ ᓴᕐᕿᑎᑕᕕᓂᖅ 1987-ᒥ, ᑮᓇᐅᔭᖃᕐᑎᑕᐅᔪᖅ ᐃᓗᓯᓕᕆᕕᒻᒪᕆᖓᓄᑦ ᑲᓇᑕᐅᑉ, ᑖᓐᓇ ᐱᓇᓱᐊᕐᑕᐅᔪᖅ ᐃᓱᒫᓘᑎᖃᕐᓂᐸᐅᒐᓱᐊᕐᓱᓂ ᐱᕙᓪᓕᐊᑎᑕᐅᒋᐊᖃᕐᓂᖏᓐᓂᒃ ᐃᓄᐃᑦ ᐱᔪᓐᓇᑐᓪᓚᕆᐅᒍᓐᓇᓯᖁᓪᓗᒋᑦ ᐱᓇᓱᐊᕐᑕᐅᓂᖏᓐᓂ ᐅᐃᕆᒪᓃᑦ.

ᑎᓕᔭᐅᒪᐅᑎᕗᑦ:

• ᓄᐃᑎᑦᓯᒐᓱᐊᕐᓗᑕ ᑲᖐᒋᔭᐅᑎᑦᓯᒐᓱᐊᕐᓗᑕᓗ ᑭᒡᒐᑑᑎᒋᓗᒋᓪᓗ ᐃᓄᓕᒫᓄᑦ ᖃᓄᐃᖕ ᖏᓯᐊᕐᓂᓕᕆᓂᖅ, ᐅᐃᕆᒪᓂᓕᕆᓂᖅ, ᓂᐅᕐᖃᒐᕐᓗᓂᓗ ᐊᑐᕐᓂᓗᓐᓂᖅ;

• ᐃᑲᔪᕐᓯᒪᓗᑕ ᓄᓇᓕᖏᓐᓂᒃ ᓄᓇᕕᐅᑉ ᐊᑐᕐᑕᐅᑌᓕᒪᑎᑦᓯᓂᕐᒥᒃ ᓂᐅᕐᖃᒐᕐᓗᓂᒃ ᐊᑐᕐᓂᓗᓐᓂᒥ ᐅᓂᖓᓕᕐᑕᐅᑎᒐᓱᐊᕐᓗᒍᓗ ᐃᓗᓯᕐᓱᓯᐊᕈᓐᓇᓂᖅ ᓄᓇᓕᒻᒥᐅᑦ ᐱᑦᔪᓯᓕᒫᖏᓐᓂ;

• ᐃᑲᔪᕐᓯᒪᐅᑎᒋᓗᒍ ᓇᓗᓀᕐᑕᐅᕙᓪᓕᐊᓂᖏᑦ ᐱᓇᓱᐊᕐᑕᐅᓂᖏᓪᓗ ᐅᐃᕆᒪᓂᕐᒨᓕᖓᔪᓂᒃ ᑭᒡᒐᑑᑏᑦ (ᐊᑑᑎᑎᑦᓯᑌᓕᒪᑦᔪᑎᓕᕆᓂᖅ, ᖃᐅᔨᓴᕈᓯᖅ, ᐃᓕᑕᕐᓂᐊᓂᖅ, ᐃᑲᔪᕐᓯᒋᐊᕐᓂᖅ, ᒪᒥᓭᓂᖅ, ᓇᓪᓕᐊᓄᑦ ᑲᒪᒋᔭᐅᔪᑦᓴᐅᒪᖔᑦ ᐊᒻᒪᓗ ᑭᖑᓂᐊᒍᑦ ᐱᓇᓱᐊᕐᑕᐅᓚᐅᕐᑐᕕᓂᐅᑦᓱᓂ ᖃᓄᐃᓕᖓᓕᕐᒪᖔᑦ ᑲᖐᓱᒐᓱᐊᕐᓂᖅ); ᐊᒻᒪᓗ,

• ᐱᕙᓪᓕᐊᑕᐅᑎᑦᓯᓗᑕ ᐱᓇᓱᐊᕐᑕᐅᒐᔭᕐᑐᓂᒃ ᐱᓂᐊᕐᓂᖃᕈᑕᐅᒍᓐᓇᑐᓂᓗ ᖁᐊᕐᓵᓯᒪᔪᓂᒃ-ᑐᑭᓯᒪᑦᓯᐊᕈᑕᐅᒍᓐᓇᑐᓂᒃ, ᑐᖕᖓᕕᒋᓗᒍ ᐱᓂᐊᕐᓂᓯᐊᖑᓂᕐᐸᐅᒍᓐᓇᑐᒃᑯᑦ ᐱᓂᐊᕐᓂᖃᕈᑕᐅᓗᑎᒃ ᐊᒻᒪᓗ ᐊᑦᑕᓈᕿᓇᕈᓇᕐᒦᑌᓕᓗᒋᑦ.

• ᑐᓴᐅᒪᑎᑦᓯᔨᐅᓲᑦ ᖃᐅᔨᒪᔭᐅᒋᐊᓕᓐᓂᒃ ᐃᒥᐊᓘᑉ ᐋᖓᔮᕐᓇᑐᐃᓪᓗ ᒥᑦᓵᓅᓕᖓᔪᓂᒃ

• ᐃᑲᔪᕐᓯᒪᓲᑦ ᓄᓇᓖᑦ ᐅᓇᒻᒥᒋᓕᕐᑕᖏᓐᓂᒃ ᐊᑑᑎᑎᑦᓯᑌᓕᒪᓂᕐᒨᓕᖓᔪᓂᒃ ᑮᓇᐅᔭᖃᕐᑎᑕᐅᑦᓱᑎᒃ

• ᐱᓇᓱᖃᑎᖃᓲᑦ ᓄᓇᓕᓕᒫᓂᒃ ᐱᓇᓱᒍᑦᔨᔪᓂᒃ ᐱᕙᓪᓕᐊᑎᑕᐅᓂᖏᓐᓄᑦ ᑭᒡᒐᑑᑎᐅᒋᐊᓕᓐᓂ ᐅᐃᕆᒪᓇᕐᑐᓕᕆᓂᕐᒥ

• ᓴᕐᕿᑎᑦᓯᕙᓪᓕᐊᔪᑦ ᐁᑦᑐᑑᑎᖃᓲᒍᑦᓱᑎᓪᓗ ᐱᓇᓲᑎᑦᓴᓂᒃ ᐃᓄᒃᑎᑑᕐᑐᓂᒃ

• ᑐᓂᐅᕐᙯᓲᑦ ᐱᓇᓲᑎᑦᓴᓂᒃ ᓄᓇᕕᒻᒥᐅᓕᒫᓄᑦ

• ᐊᕐᖁᓯᐅᕆᓲᑦ ᐃᓕᓐᓂᐊᕋᑦᓴᐅᒐᔭᕐᑐᓂᒃ ᒪᓂᔨᔨᐅᑦᓱᑎᒃ

• ᐱᕙᓪᓕᐊᑎᑦᓯᓲᖅ ᑲᔪᓯᑎᑦᓱᒋᓪᓗ ᐱᓇᓱᐊᕐᑕᐅᔪᑦᓴᓂᒃ ᑭᖕᖑᒪᒋᔭᐅᓕᕐᑐᑦ ᒪᓕᑦᓱᒋᑦ ᓄᓇᕕᒻᒥᐅᓄᑦ ᐃᒣᑦᑐᓂ:

- ᑮᓇᐅᔭᖃᕐᑎᑕᐅᓂᖏᑦ ᑲᑎᒪᓂᒻᒪᕆᓐᓄᑦ ᖃᓄᐃᖕᖏᓯᐊᕐᓂᒧᑦ, ᐃᒥᐊᓗᒍᑕᐅᓯᒪᔪᑦ ᐱᐊᕋᑦᓴᕆᔭᐅᑦᓱᑎᑦ ᐱᐅᓯᓖᑦ ᐊᒻᒪᓗ ᐃᒻᒥᓂᐊᕐᓂᒥᒃ ᐅᖑᒪᑦᓯᓂᖅ

- ᖃᓇᖅ ᐅᕕᒃᑫᑦ ᑲᑎᒪᓂᒻᒪᕆᖓ

• ᐃᑲᔪᕐᓯᒪᑦᓱᓂ ᓄᓇᓕᓐᓂᒃ ᐱᕙᓪᓕᐊᑎᑦᓯᓕᕐᒪᑕ ᓄᓇᓕᒻᒥᓂ ᐊᑑᑎᑎᑦᓯᑌᓕᒪᑦᔪᑎᓕᕆᓂᑦᓴᓂᒃ ᐱᓇᓱᐊᕐᑕᐅᒍᒪᔪᓂᒃ

• ᓂᐸᖃᕈᑦᔨᔨ ᐱᕙᓪᓕᐊᑎᑕᐅᒋᐊᖃᕐᓂᖏᓐᓄᑦ ᓱᓇᒥᓪᓗᑎᒃ ᑭᒡᒐᑑᑎᑦᓴᓂᒃ ᐅᐃᕆᒪᓂᕐᒨᓕᖓᔪᓂᒃ ᓄᓇᕕᒻᒥᐅᓅᓕᖓᓗᑎᒃ

• ᓴᕐᕿᑎᑦᓯᓯᒪᔪᖅ “ᓄᓇᕕᒻᒥᐅᑦ ᖃᓄᐃᖕᖏᓯᐊᕐᓂᒧᑦ ᐅᓪᓗᖁᑎᖓ”-ᒥᒃ ᓄᐃᑕᓪᓗᕆᑦᑑᑎᑦᓯᒋᐊᕈᑕᐅᑦᓱᓂ ᓄᓇᓕᒻᒥᐅᓂᒃ ᐃᑦᔭᕋᑦᓴᓯᐊᓂᒃ ᐃᓅᓯᕐᒥᓂ.

ᐃᓚᐅᔪᑦ ᑲᑎᒪᓂᖓ ᐊᑑᑎᓲᖅ ᐊᕐᕌᒎᒃ ᒪᕐᕉᒃ ᐊᓂᒍᕆᐊᑕᒫᑦ. ᒪᕐᕉᒃ ᓄᓇᓕᒻᒥᓂᒃ ᓄᓇᕕᒻᒥ ᑭᒡᒐᑐᓚᖓᔫᒃᙯᕐᕐᑯᔭᐅᓲᒃ ᑲᑎᒪᓂᕐᒧᑦ ᐅᓪᓘᓂᓗ ᒪᕐᕉᓂ ᐃᓕᓐᓂᐊᑎᑕᐅᓂᖃᕐᓱᑎᒃ ᐃᓱᒪᒃᑯᑦ ᐃᓗᓯᕐᓱᓯᐊᕐᓂᒧᐊᖓᔪᓂᒃ
ᑐᑭᓯᒪᔭᐅᒋᐊᓕᓐᓂᓗ.

ᐅᑯᐊᑕᒐ ᓄᓇᓖᑦ ᑲᑎᒪᒋᐊᕐᕕᐅᖃᑦᑕᓯᒪᓕᕐᑐᑦ ᑌᒪᖕᖓᓂᑦ

Ungava
Kangiqsualujjuaq — 2013
Kuujjuaq — 1997/Quaqtaq, 1999, 2000
Tasiujaq — 1993, 2022
Aupaluk — n/a
Kangirsuk — 1990, 2001
Quaqtaq — 1989, 1994, 2004, 2010
Kangiqsujuaq — 1995/Iqaluit 2002, 2007, 2016

Hudson
Salluit — 1991
Ivujivik — 1999, 2003, 2011
Akulivik — 2009
Puvirnituq — 2006
Inukjuak — 1996, 2002, 2018
Umiujaq — 1989
Kuujjuaraapik — 1992, 2005, 2014

ᐃᓚᐅᔪᑦ ᑲᑎᒪᓂᖃᓛᓕᕐᒥᔪᑦ ᐅᒥᐅᔭᒥ ᐊᐅᒍᓯᐅᓕᕐᐸᑦ ᓯᑉᑎᒻᐱᕆᒥᓗᓐᓃᑦ 2024-ᒥ! ᐅᑯᐊᑕᒐ
ᓂᕈᐊᕐᑕᐅᒪᔪᑦ ᐃᓂᖏᑦ ᓂᕈᐊᕈᑕᐅᓛᓕᕐᒥᔪᑦ: ᐊᖓᔪᕐᖄᖅ, ᐅᕕᒐᕐᑐᓂᑦ ᐱᓯᒪᔪᖅ ᑮᓇᐅᔭᓕᕆᔨᓗ.

ᓄᓇᓕᑐᙯᑦ ᐃᑲᔪᖃᑎᒌᑦᑐᑦ ᑲᑐᑦᔨᖃᑎᒌᓐᓂᖓ ᑲᑎᒪᔨᖃᕐᐳᖅ ᐱᖓᓲᔪᕐᑐᓂᒃ ᓂᕈᐅᕐᑕᐅᒪᔪᓂᒃ ᑕᓕᒪᓂᓪᓗᑎᓕᔭᐅᒪᔪᓂᒃ ᑭᒡᒐᑐᕐᓱᑎᒃ ᑎᒥᐅᔪᓂᒃ. ᓂᕈᐊᕐᑕᐅᒪᔪᑦ ᑲᑎᒪᔩᑦ ᑭᓇᒃᑰᓚᖓᓂᖏᑦ ᖃᐅᔨᔭᐅᓲᑦ ᐃᓚᐅᔪᑦ
ᑲᑎᒪᓂᖃᓕᑐᐊᕐᒪᑕ ᑕᐅᕐᓰᑕᕐᓱᑎᓪᓗ ᐃᓂᖏᑦ ᐊᕐᕌᒎᑉ ᑐᖓᓕᐊᓂ ᓂᕕᖕᖓᖃᑦᑕᓱᑎᒃ.

Melinda Hickey, Kativik Ilisarniliriniq Representative, 2021-2023